Një ngjarje e rëndë ka ndodhur në Dimal, ku një mësuese e identifikuar me emrin Etleva Gjoni ishte duke shkuar në shkollën 9-vjeçare “Sali Gjuka” kur humbi jetën. Fillimisht mësohet se mësuesja humbi ndjenjat gjatë rrugës për në punë. Ajo menjëherë u transportua në spital ku dhe ndërroi jetë. Nxënësit dhe kolegët kanë reaguar të prekur për ikjen në moshë të re të mësueses, Etleva.
“Ky është një nga ato postimet që nuk do të donim të ndanim me ju. E vështirë për ta besuar dhe e dhimbshme për ta pranuar se kolegia dhe mësuesja jonë e dashur Etleva Gjoni nuk do të jetë më midis nesh. Jeta jote njerëzore edhe pse e shkurtër ka siguruar mbijetesën e personit tënd. Na beso mike, errësira që ke lënë është shume e madhe. Të qoftë dheu i lehtë! U prehsh në paqe!”, shkruhet në profilin e shkollës “Sali Gjuka” në facebook.
