Një ngjarje tragjike ka ndodhur në fshatin Drisht të Shkodrës, ku është gjetur e pajetë një 77-vjeçare, identifikuar si V. Sh. Shtetasja kishte humbur kontaktin me familjarët e saj dhe ishte larguar nga banesa e saj ditën e djeshme. Trupi i saj u zbulua në një ullishte dhe, sipas raportimeve të para, nuk janë gjetur shenja dhune.
Policia njoftoi se ngjarja ka ndodhur rreth orës 17:10. Aktualisht, grupi hetimor po vazhdon punën për të sqaruar rrethanat që lidhen me këtë rast të trishtueshëm.
Njoftimi i Policisë:
“Rreth orës 17:10, në fshatin “Drisht”, është gjetur e pajetë dhe pa shenja dhune, në një ullishte shtetasja V. Sh., 77 vjeçe. Kjo shtetase ishte larguar ditën e djeshme nga banesa. Grupi hetimor vijon punën për sqarimin e rrethanave të rastit.”
Hetimet janë në proces për të zbuluar më shumë detaje rreth kësaj ngjarjeje, ndërsa familja dhe komuniteti janë të tronditur nga humbja e kësaj gruaje.
