Shërbimi Kombëtar i Shëndetit në Britani (NHS) ka lëshuar një paralajmërim urgjent për vaksinim, pasi një virus i ri, i përshkruar si “supergrip”, po përhapet me shpejtësi në të gjithë vendin. Situata është përshkruar si alarmante, me shtrimet në spital që janë trefishuar vetëm në Londër, ndërsa disa shkolla janë detyruar të mbyllen për shkak të numrit të lartë të të infektuarve.

Sipas të dhënave zyrtare, javën e kaluar u regjistrua një mesatare prej 259 shtretërish të zënë nga pacientë me grip në spitalet e kryeqytetit – një rritje e frikshme krahasuar me vetëm 89 shtretër në të njëjtën periudhë të vitit të kaluar.

Autoritetet shëndetësore paralajmërojnë se vendi po përgatitet për një valë të pazakontë gripi këtë dimër, ndërsa qytetarët – veçanërisht ata në Londër – u bë shqetësuar nga NHS të vaksinohen “sa më shpejt të jetë e mundur”.

“Me vetëm pak javë para Krishtlindjeve, tani është momenti për të vepruar”, deklaron Shërbimi Shëndetësor Kombëtar, duke shtuar se vaksinimi është mjeti i vetëm për të frenuar përhapjen e virusit dhe për të shmangur mbingarkimin e spitaleve.

Ndërkohë, ekspertët e shëndetit publik paralajmërojnë se situata mund të përkeqësohet nëse qytetarët neglizhojnë thirrjen urgjente të autoriteteve.