Ramazan Rraja dhe miqtë e tij që terrorizuan Lezhën 3 javë më parë duke u futur të armatosur në një lokal në Zejmen, janë arratisur nga Shqipëria pas ngjarjes dhe destinacioni i tyre ka qenë Dubai. Ky shtet është i preferuari në mesin e kriminelëve shqiptar, për shkak se nuk ka marrëveshje ekstradimi me Shqipërinë.
Ramazani është nipi i deputetit të PS Rrahman Rraja, një prej personave të armatosur me kallashnikov. Rraja kishte pak muja që ishte liruar nga burgu në Belgjikë, ndaj të cilit ishte vendosur masa detyrim paraqitje. Ditën e ngjarjes Ramazani Rraja, Roan Brahimi dhe Alesio Dobrozi, kontrolluan klientët pasi kishin shkuar për të kërkuar kushëririn e pronarit të lokalit i cili kishte pasur një konflikt me mikun e tre të armatosurve. Por pasi nuk e kanë konstatuar në lokal janë larguar.
Të tre personat e përfshirë në këtë ngjarje, sipas burimeve besohet se vepronin për llogari të një grupi kriminal në zonën e Durrësit dhe Krujës. Hetuesit kanë dyshime se arratisja e tyre drejt Dubait është mundësuar nga një person që njihet si pjesë e një grupi të fuqishëm kriminal, i arrestuar dhe liruar më herët për grup të sktrukturuar kriminal.
Të rinjtë janë shpallur në kërkim për veprat penale “Vrasja” e mbetur në tentativë, “Armëmbajtja pa leje” dhe “Kanosja”, e mbetur në tentativë, të kryera në bashkëpunim.
