Një person është arrestuar në Los Anxhelos, pasi ka tentuar të ndezë një zjarr pranë “Kenneth Fire”, një zonë e njohur për rrezikun nga zjarret. Sipas dëshmitarëve, burri i dyshuar mbante një “bombol propani ose një pajisje tjetër për ndezjen e flakëve”. Disa qytetarë, pasi kanë vënë re veprimet e tij, kanë ndërhyrë dhe e kanë ndaluar derisa autoritetet mbërritën në vendngjarje.

Një dëshmitare, Renata Grinshpun, tha se ishte ulur në oborrin e shtëpisë kur ka dëgjuar një makinë që ndaloi dhe ka parë burrin duke vrapuar me pajisjen në dorë, duke shkaktuar alarm. Ajo tha se fqinjët kanë ndërhyrë dhe kanë telefonuar menjëherë në numrin e urgjencës 911.

Autoritetet lokale nuk kanë bërë të ditur ende nëse i dyshuari ka pasur lidhje me zjarret që shpërthyen në zonë, dhe identiteti i tij mbetet i panjohur për momentin. Sipas informacionit të fundit, incidenti ndodhi rreth 20-30 minuta para se i dyshuari të arrestohej nga qytetarët.