Në emisionin Big Brother Fan Club ishte e ftuar sot ish-konkurrentja e këtij edicioni, Stelina, e cila u eliminua pas një nominimi të hapur për të gjithë anëtarët e grupit të kërcimit ku bënte pjesë, si pasojë e dështimit të sfidës së dhënë nga Vëllai i Madh.

Gjatë qëndrimit në shtëpi, Stelina u bë pjesë e një historie të komentuar me Kejsin, e cila nuk u finalizua në një lidhje, ndërsa situata u ndërlikua më tej me hyrjen e Inës, duke krijuar një trekëndësh që tërhoqi vëmendje të madhe.

Në Fan Club u rikthye në diskutim çështja e videos së puthjes mes Kejsit dhe Inës, e cila në prime-in përkatës e kishte surprizuar Stelinën. Opinionistja Franceska Murati hodhi dyshime mbi reagimin e saj, duke deklaruar se Stelina ishte në dijeni të videos që më parë.

“Unë e di që Stelina e ka ditur, sepse kam folur personalisht me personin që ia ka dërguar videon,” u shpreh Franceska.

Nga ana e saj, Stelina mohoi akuzat duke sqaruar se nuk menaxhon vetë rrjetet sociale:
“Në fakt kam një staf që më menaxhon Instagramin, sepse jam shumë e zënë me biznesin tim dhe punoj nga ora 8 e mëngjesit deri në 10 të darkës,” tha ajo.

Megjithatë, ky shpjegim nuk i bindi panelistët, të cilët theksuan se shumica e personazheve publikë i menaxhojnë vetë rrjetet e tyre sociale, duke lënë të hapur diskutimin mbi vërtetësinë e reagimit të Stelinës në atë moment.