Në një intervistë televizive, ish-drejtuesi i lartë i Policisë së Shtetit, Arjan Hoxha, ka ndarë informacionin se e njohu vizualisht Arbjen Pjeçin, nënkomisarin që kryer vetëvrasje në Durrës. Hoxha ka përshkruar Pjeçin si një njeri të drejtë dhe të qetë, duke theksuar mungesën e ngushëllimeve nga drejtuesit e lartë të Policisë së Shtetit si një fakt të dhimbshëm. Pjeçi kishte marrë një vendim të formës së prerë për “Plagosje të lehtë”, dhe Hoxha ka shprehur zhgënjim për mos ofrimin e një dënimi alternative për të ruajtur vendin e punës.

“Kjo është e dhimbshme dhe shumë e rëndë që nuk kishte asnjë ngushëllim nga drejtuesit e lartë të Policisë së Shtetit. Ka humbur jetën një shërbëtor i ligjit, një njeri që është edukuar për të zbatuar ligjin. Një njeri që gjatë karrierës ka kaluar mbi veten e tij, mbi familjen dhe të afërmit me dhjetëra sfida, presione nga më të ndryshimet, apo i tradhtuar nga politika dhe ka arritur deri në momentin që të ndërmarrë atë akt. Unë vizualisht e njoh, kur kam qenë në Policinë e Durrësit. Më ka lënë përshtypjen e një njeriu të qetë që kryen detyrën dhe jo si këta me hije dyshimi. Një njeri i qetë që zabton vetëm ligjin”, tha Hoxha.