Nis ditën e sotme, është prezantuar “One stop shop”. Një nismë mes Shqipërisë dhe Maqedonisë së Veriut për kontroll të përbashkët në pikat kufitare.

Një program i ri kufitar “Një ndalesë-Një kontroll”, për lehtësimin e qarkullimit të njerëzve dhe mallrave. Vendimi për këtë projekt është miratuar më 14 nëntor 2022.

Rama është shprehur se impakti i jashtëzakonshëm që po përjeton Shqipëria, është duke bërë transformim të imazhit të saj. Kryeministri Rama ka treguar se synimi është rritja e industrisë së turizmit.

Rama:

Shqipëria këtë vit po përjeton një impakt të jashtëzakonshëm të transformimit të imazhit të saj. Fluksi i turistëve dhe numri i investitorëve të mëdhenj, së bashku me shqiptarë të diasporës apo edhe ata që banojnë në Shqipëri është inkurajues. Zhvillimi i mëtejshëm dhe rritja e dëshiruar e industrisë së turizmit, kërkojnë një qasje komplekse.