Një operacion i suksesshëm është realizuar në pikën kufitare të Kapshticës, ku policia ndërpreu një tentativë të paligjshme të largimit të 29 mijë eurove të padeklaruara nga Shqipëria drejt Greqisë. Tre persona nga qyteti i Korçës janë ndaluar në makinën e tyre, një “Wagen Turan”, gjatë kontrollit të kufirit.

Gjatë kontrollit, policia zbuloi se shuma e madhe prej 29 mijë eurove nuk ishte deklaruar dhe ishte e ndarë mes tre personave që udhëtonin në makinë. Shtetasi E. I., i dyshuar se kishte poseduar një pjesë të konsiderueshme të parave, i kishte ndarë ato me dy shoqëruesit e tij për të evituar përgjegjësinë ligjore.

“Gjatë kontrollit të ushtruar në çantat e tyre u gjetën në total 29 000 euro të padeklaruara, shumë të cilën dyshohet se e posedonte shtetasi E. I., dhe e kishte ndarë me 2 shtetasit e tjerë, me qëllim që të shmangnin përgjegjësinë ligjore në momentin e kalimit në kufi” informoi sot policia.

Ndaj tre shtetasve E. I., 41 vjeç, M. I., 23 vjeç dhe L. I., 20 vjeç, banues në Korçë ka nisur procedimi penal në gjëndje të lirë për “Mosdeklarimi në kufi i të hollave dhe i sendeve me vlerë”.