Një operacion i gjerë i koordinuar midis autoriteteve spanjolle dhe kolumbiane ka çuar në sekuestrimin e 100 kg kokainë dhe arrestimin e 12 persona, duke përfshirë shtetas shqiptarë, marokenë, kolumbianë dhe gjermanë. Operacioni “Botnia”, siç quhet, është një goditje e fuqishme ndaj strukturës së një prej organizatave kriminale më të fuqishme ndërkombëtare.

Në mesin e personave të arrestuar, një nga figurat kryesore është Kujtim Tanase, një shqiptar i shpallur në kërkim në Shqipëri për vrasje. Tanase ishte në pritje të ekstradimit, ndërsa bashkë me të u arrestua edhe vëllai dhe një person tjetër i lidhur me grupin kriminal. Gjithashtu, mes të arrestuarve në Kolumbi është edhe Bulent Aslanoglu, njohur si “The Godfather”, një figurë me shtetësi të dyfishtë suedeze dhe gjermane, i konsideruar si udhëheqës i një bande kriminale të njohur.

Ministria e Brendshme Spanjolle ka vlerësuar operacionin si një goditje të paprecedentë ndaj trafikut të kokainës dhe strukturave të saj kriminale ndërkombëtare. Hetimi filloi më shumë se një vit më parë dhe zbuloi operacione të organizuara të hyrjes së sasive të mëdha të kokainës në Spanjë nga Kolumbia, duke përfshirë kontaktet e drejtpërdrejta të Aslanoglu me prodhuesit e drogës në Kolumbi.

Ky operacion shënon një sukses të rëndësishëm për agjentët e policisë spanjolle dhe bashkëpunimin ndërkombëtar në luftën kundër trafikut të drogës dhe kriminaleve të organizuara në nivel global.