Policia e Gjirokastrës njoftoi për finalizimin me sukses të operacionit policor të koduar “Last Night”, që çoi në arrestimin e dy personave të dyshuar për shfrytëzim të prostitucionit në bashkëpunim.
Sipas njoftimit zyrtar, Roberto Leka, 27 vjeç, banues në Tiranë dhe Kristo Duraku, 31 vjeç, banues në Grabjan, Divjakë, janë ndaluar për veprën penale “Shfrytëzimi i prostitucionit, kryer në bashkëpunim”, pasi rezulton se shfrytëzonin një 26-vjeçare nga Berati për prostitucion në qytete të ndryshme të vendit.
Gjithashtu, janë proceduar penalisht dy shtetas të tjerë për “moskallëzim krimi”, ndërkohë që gjatë kontrollit janë sekuestruar shuma parash të dyshuara të përfituara nga aktiviteti i paligjshëm si dhe 6 celularë, që dyshohet se janë përdorur për komunikim dhe organizim të veprimtarisë kriminale.
Operacioni u zhvillua nga Specialistët për Hetimin e Trafiqeve të Paligjshme në DVP Gjirokastër, në bashkëpunim me Stacionin e Policisë Memaliaj, dhe nën drejtimin e Prokurorisë.
Policia bëri të ditur se hetimet për këtë rast vijojnë për të dokumentuar plotësisht veprimtarinë kriminale dhe për të identifikuar të tjerë persona të përfshirë.
Sot do të ndiheni plot energji dhe dëshirë për të marrë iniciativa. Është dita e duhur për të nisur projekte të reja ose... 
