Policia e Tiranës ka finalizuar operacionin policor të koduar “Luxury Cars”, i cili synonte goditjen e veprimtarisë kriminale të trafikimit të automjeteve.

Në kuadër të operacionit janë identifikuar dy shtetas italianë, të cilët trafikonin automjete luksoze të vjedhura nga Italia në Shqipëri. Si rezultat:

• Është arrestuar shtetasi italian D. S., 37 vjeç, banues në Itali.
• Është proceduar penalisht në gjendje të lirë shtetasi F. S., gjithashtu banues në Itali.

Gjatë operacionit, Policia ka sekuestruar dy automjete luksoze, një Audi Q3 dhe një BMW X6, të prodhimeve të fundit, me vlerë rreth 150,000 euro.

Hetimet tregojnë se këta dy shtetas kanë trafikuar automjete të vjedhura nga Italia në Shqipëri në bashkëpunim me njëri-tjetrin. Policia dhe Prokuroria vijojnë punën për zbardhjen e rasteve të tjera të mundshme të trafikimit të mjeteve nga ky grup.