Policia e Kosovës ka dhënë detaje të tjera në lidhje me kapjen e 400 kg kokaine, të fshehur në kuti mishi që vinte nga Brazili dhe që kishte kaluar në Portin e Durrësit.
Sipas mediave të Kosoves, Policia ka vijuar kontrollet dhe janë gjetur në disa vende të ndryshme para në euro e denarë, armë, fishekë, celularë e kompjutera të cilat janë sekuestruar pasi kanë lidhje me kokainën e kapur.
“Rr. Lidhje e Prizrenit, Lipjan (NN) 17.05.2021-11:10. Drejtoria e Hetimeve të Trafikimit me narkotik në koordinim me policinë italiane dhe shqiptare, pas një hetimi të përbashkët gjatë kontrollit në depon e një kompanie kanë gjetur dhe sekuestruar një sasi substancë të dyshuar narkotike të llojit kokainë në peshë prej 400 kg, ndërsa gjatë kontrollit në disa lokacione tjera janë gjetur dhe sekuestruar: dy revole një TT dhe tjetra me gas, 50 copë fishekë të cal. 7.62 mm, 25925 € para kesh, 200 denar MK, një veturë, 6 telefona celular, 6 PC, dy llap top, katër DVR dhe një Hard Disc”, ka njoftuar policia.
“Të gjitha veprimet janë ndërmarre në konsultim me gjyqtaren e procedurës paraprake dhe prokurorin e prokurorisë speciale. Shtatë të dyshuar meshkuj kosovar janë arrestuar dhe me vendim të prokurorit dërgohen në mbajtje”, thuhet në njoftimin e policisë.
Po ashtu, janë arrestuar shtatë person që dyshohet se kane lidhje me drogen.
Konteineri me 400 kg kokainë u nis nga Brazili, kaloi në Itali, madje erdhi dhe në portin e Durrësit në Shqipëri, por u mbajt nën vëzhgim pas informacionit të ardhur nga DEA dhe më pas u kap në Lipjan të Kosovës.
Mgarkesa e mishit ku ishte fshehur dhe droga ishte porositur nga kompania Mcfood, me ortakët Izet Sheqiri dhe Bledar Habili, me bazë në Kosovë, por që ka filial edhe në Shqipëri.
TE ARRESTUARIT
Izet (Osman) Sheqiri – 23.12.1968
Kadri (Shaip) Sheqiri – 12.09.1978
Faton (Nazmi) Vrajolli – 16.02.1976
Bajram (Lutfi) Maliqi – 05.09.1984
Kadri (Hakif) Brahimi – 06.11.1972
Enver (Ramiz) Belegu – 02.03.1956
Fehmi (Izet) Bytyqi – 16.07.1967
