Një 30-vjeçar nga qyteti i Fierit është arrestuar gjatë mbrëmjes së djeshme në kuadër të operacionit policor të koduar “Tempulli”. Jurgen Ndreko u kap në flagrancë nga policia, bazuar në informacionet e marra nga inteligjenca policore.

Gjatë një kontrolli fizik dhe në banesën e tij, policia zbuloi dhe sekuestroi sasi lënde narkotike kokainë, të ndarë në doza, me qëllim për t’u shitur. Arrestimi u bë në qendër të qytetit të Fierit.

Operacioni “Tempulli” është një nismë për luftën kundër prodhimit dhe shitjes së narkotikëve në qytetin e Fierit. Si pjesë e këtij operacioni, autoritetet kanë ndërmarrë masa të ndryshme për kapjen e individeve të përfshirë në këtë veprimtari ilegale.

Pas arrestimit, sasi e kokainës dhe materialet procedurale janë dorëzuar pranë Prokurorisë pranë Gjykatës së Shkallës së Parë të Juridiksionit të Përgjithshëm Fier, për hetim të mëtejshëm dhe veprime ligjore të nevojshme. Një pjesë e megaoperacionit “Tempulli” ka për qëllim goditjen e rasteve të shitjes së drogave të forta në territorin e qarkut Fier.