Në një tjetër zhvillim të rëndësishëm të operacionit ndërkombëtar “The Wanted”, Policia e Shtetit në bashkëpunim me autoritetet e Emirateve të Bashkuara Arabe dhe Interpol Tirana, ka finalizuar kapjen në Dubai të tre shtetasve shqiptarë të përfshirë në ngjarje të rënda kriminale dhe të dyshuar si bashkëpunëtorë të ngushtë të të shumëkërkuarit Talo Çela.

Të arrestuarit janë:

• Ervis Daka, 38 vjeç
  I akuzuar për:

  • Vrasje me paramendim (në tentativë)

  • Sigurim kushtesh për të kryer vrasje

  • Mbajtje pa leje armësh

  • Përkrahje të autorit të krimit
    Ai dyshohet se:

  • Ka informuar atentatorët për lëvizjet e shtetasit K. P.

  • Ka ndihmuar në përgatitjen e një vrasjeje ndaj shtetasit A. S.

  • Ka strehuar dhe ndihmuar Talo Çelën për një kohë të gjatë.

• Maksim Koçi, 39 vjeç
  I akuzuar për:

  • Vrasje me paramendim

  • Sigurim kushtesh për vrasje

  • Mbajtje pa leje armësh

  • Përkrahje të autorit të krimit
    Dyshohet se ka marrë pjesë në vrasjen e shtetasve K. K. dhe I. A., ka planifikuar atentate të tjera dhe ka ndihmuar në strehimin e Talo Çelës.

• Ado Xhika, 40 vjeç
  I akuzuar për:

  • Përkrahje të autorit të krimit
    Ka strehuar dhe ndihmuar Talo Çelën për rreth dy vite, si dhe ka ndërmjetësuar për një intervistë të tij me një gazetar.

Të tre këta persona kishin masa sigurie të formës “arrest në burg” të lëshuara nga Gjykata e Posaçme (GJKKO) që prej vitit 2024, si pjesë e strukturave kriminale të organizuara që lidhen me një seri ngjarjesh të rënda në vend.

Policia e Shtetit njofton se operacioni “The Wanted” vijon me intensitet, me qëllim lokalizimin dhe kapjen e të gjithë personave të shpallur në kërkim ndërkombëtar, veçanërisht atyre të përfshirë në krimet më të rënda kundër jetës dhe rendit publik.