Partia Demokratike dhe opozita kanë nisur një aksion për mosbindje civile, duke bllokuar disa rrethrrotullime kryesore në vend. Ky aksion ka për qëllim ndërprerjen e qarkullimit në pikat strategjike dhe ushtrimin e presionit ndaj qeverisë. Për realizimin e tij, deputetët e opozitës janë shpërndarë në pikat e caktuara sipas qarqeve dhe degëve përkatëse:

•Segmenti “Casa Italia – Sheshi Shqiponja”: Deputetë nga degët e Tiranës dhe qarku Dibër janë të përqendruar në këtë segment, ku përfshihen emrat si Flamur Noka, Albana Vokshi, Xhelal Mziu, Petrit Doda, Asllan Dogjani, Helidon Bushati, Kreshnik Çollaku, Dhurata Çupi dhe aleatë të tjerë të opozitës. Në këtë pikë do të bashkohen edhe Gazment Bardhi, Agron Gjekmarkaj, Oerd Bylykbashi, Jorida Tabaku, Ina Zhupa, Zheni Gjergji dhe Saimir Korreshi pas përfundimit të takimit të MSA-së, rreth orës 18:00.

•Rrethrrotullimi Milot: Në këtë pikë janë pozicionuar deputetë të qarqeve Kukës, Shkodër dhe Lezhë, si Flamur Hoxha, Isuf Çela, Emilja Koliqi, Ramadan Lika, Greta Bardeli, Ludovik Hasanaj, Lindita Metaliaj, Elda Hoti dhe Kastriot Piroli.

•Rrethrrotullimi Shkozet: Përfaqësues të qarkut Durrës, Edi Paloka dhe Ferdinand Xhaferraj, janë të vendosur në këtë rrethrrotullim për të vijuar aksionin.

•Rrethrrotullimi Bradashesh: Deputetë nga qarqet Elbasan dhe Korçë, përfshirë Lefter Gështenja, Qani Xhafa, Edmond Spaho, Sorina Koti dhe Tomorr Alizoti, po marrin pjesë në protestë në këtë pikë.

•Rrethrrotullimi Rrogozhinë: Deputetë të qarqeve Kavajë, Rrogozhinë, Lushnje dhe Divjakë, si Bledion Nallbati, Dashnor Sula dhe Ilda Dhori, janë vendosur në këtë aks.

•Rrethrrotullimi Levan: Përfaqësues të qarqeve Fier, Vlorë, Berat dhe Gjirokastër, si Luan Baçi, Bujar Leskaj, Tritan Shehu dhe Kasem Mahmutaj, janë në këtë rrethrrotullim duke bllokuar trafikun.

Ky aksion i organizuar nga Partia Demokratike vjen si pjesë e strategjisë së tyre për të shfaqur qëndrimin opozitar përmes mosbindjes civile.