Në rrethrrotullimin e Milotit, qytetarët kanë nisur një akt mosbindjeje civile, duke u ulur në mes të rrugës dhe duke ndalur lëvizjen e automjeteve. Ky bllokim ka shkaktuar rëndim të trafikut, pasi qarkullimi është paralizuar. Miloti është një nga gjashtë pikat strategjike ku po zhvillohen protestat mbrëmjen e sotme.
Në këtë pikë janë vendosur deputetë të qarkut të Kukësit, Shkodrës dhe Lezhës, përkatësisht Flamur Hoxha, Isuf Çela, Emilja Koliqi, Ramadan Lika, Greda Bardeli, Ludovik Hasanaj, Lindita Metaliaj, Elda Hoti dhe Kastriot Piroli. Protestat pritet të zgjasin, ndërsa prania e deputetëve tregon mbështetjen e tyre për këtë akt të qytetarëve.
