Deputetët e opozitës kanë bllokuar zhvillimin e punimeve të Komisionit të Ekonomisë. E parashikuar në orën 15:00 ky Komision nuk u zhvillua dot, ku do të prezantohej edhe buxheti i qeverisë për vitin 2024 prej ministrit Ervin Mete.

Deputetët e mazhorancës janë parë duke dalë nga selia e Kuvendit.

Në korridoret e Kuvendit kanë qenë të grumbulluar deputetë të opozitës te cilët kane bllokuar takimin për buxheyin

Në momentin që nga salla e mbledhjeve doli kryetarja e Kuvendit Nikolla është gjendur përballë deputetëve.

Një prej tyre, Gazment Bardhi ka debatuar ashpër me Nikollën edhe në prani të përfaqësuesve të Gardës të cilët shoqëronin kryetaren.

Bardhi e ka pyetur Nikollën se a është ky parlamenti. Sipas Bardhit ky është parlamenti i popullit dhe nuk është vila e zonjës Nikolla të cilën e ka blerë me paratë e korrupsionit.

Bardhi-Nikollës: Ky është parlamenti? A është ky parlamenti?! Ky është parlamenti i popullit, nuk është vila jote që e ke blerë me paratë e korrupsionit.