Dikur, në vitin 2021, Vangjel Tavo, ishte kandidati për deputet i LSI-së në Gjirokastër, sfidonte publikisht kandidatin e Partisë Socialiste, Bledi Çuçi, për një debat të hapur. Në një postim në Facebook, Tavo i kërkonte Çuçit të zgjedhë vendin dhe orën përballjes, duke e sfiduar që të tregonte çfarë kishte bërë gjatë viteve të qeverisjes.

Por sot, në vitin 2024, pamjet janë krejt ndryshe. Bledi Çuçi është drejtues politik i qarkut të Vlorës, ndërsa Vangjel Tavo ka marrë drejtimin e Bashkisë së Himarës. Dita e sotme ka shënuar fundin e mosmarrëveshjeve të së kaluarës mes këtyre dy figurave të rëndësishme politike.

Në prezantimin e Çuçi-t sot në Vlorë, inatet e vjetra janë sheshuar. Ajo që dikur dukej si një betejë e pambarimtë politike, sot është kthyer në një shtrëngim duarsh simbolik që reflekton maturinë dhe interesin për bashkëpunim mbi përçarjet e së shkuarës.