Papa Françesku shpreh kritika ndaj vendimit të fundit të Kishës Katolike për të lejuar priftërinjtë të japin bekime për çiftet e të njëjtit seks. Në një intervistë, ai karakterizoi si hipokrizi reagimet ndaj këtij vendimi, duke theksuar se nuk ka skandal në të dhënien e bekimeve për një biznesmen që shfrytëzon njerëzit.

Në kundërshtim, ai vuri në dukje se shumëkush skandalizohet nga bekimet për homoseksualët, duke e quajtur këtë një akt hipokrizie. Papa shtoi se Kisha dëshiron të jetë më afër njerëzve dhe të kuptojë vuajtjet e tyre. Vendimi i Kishës për bekime të të njëjtit seks është shpallur në fund të vitit të kaluar, duke theksuar se nuk duhet të ngatërrohet me martesën heteroseksuale.

“Askush nuk skandalizohet nëse unë i jap një bekim një biznesmeni që shfrytëzon njerëzit, dhe ky është një mëkat i rëndë. Megjithatë, ata skandalizohen nëse unë i jap një bekim një homoseksuali. Kjo është hipokrizi”, tha Papa në një intervistë metë përjavshmen katolike Kredere, raporton ANSA.

Sipas tij, Kisha Katolike dëshiron të jetë “më afër njerëzve të cilëve u shërben”. “Njerëzit vuajnë kaq shumë, dhe ne klerikët ndonjëherë jetojmë në rehati. Është e nevojshme të shihet puna dhe vuajtja e njerëzve”, tha kreu i Kishës Katolike Romake.