Masat ajrore të ngrohta dhe të lagështa do të vijojnë të sjellin vranësira dhe reshje shiu. Sipas Meteoalb, parashikihet që pjesa e dytë e ditës të mbetet me vranësira dhe shira me intensitet deri mesatar ku sërish rrebeshe do të ketë në zonat jugore dhe jugperëndimore të vendit.

Temperaturat e ajrit do të rriten në orët e mëngjesit, por ulen lehtë maksimumet duke luhatur vlerat ditore nga 3°C vlera më e ulët e shënuar në qytetin e Bulqizës deri në 16°C vlera maksimale që pritet të shënohet në Fier dhe Kuçovë.