E hëna, 21 shtator, do të sjellë kushte atmosferike të paqëndrueshme në Shqipëri, me alternime kthjellimesh dhe vranësirash. Temperaturat do të vijojnë të pësojnë rënie, ndërsa në disa zona priten reshje shiu dhe shtrëngata. 
🌧️ Reshjet
Moti do të nisë me kthjellime, por gradualisht vranësirat do të shtohen në të gjithë territorin. Nga mesdita deri në pasditen e vonë parashikohen reshje shiu me intensitet kryesisht të ulët në pjesën më të madhe të vendit.
Në mënyrë të izoluar, veçanërisht në zonat malore, reshjet mund të shoqërohen me shtrëngata dhe shkarkesa elektrike.