Vranësira të shpeshta dhe kthjellime të pakta dominojnë kushtet e motit në territorin shqiptar, ku në zonat veriore do ketë dhe ndonjë reshje të izoluar dëbore gjatë mëngjesit.

Por duke ju afruar mesditës kushtet atmosferike përmirësohen dukshëm duke ri-kthyer kthjellimet në vend.

Sipas Meteoalb, sot temperaturat do të kenë njē rënie të lehtë, ku do të variojnë: në zonat malore, nga -2°C në 08°C, në zonat e ulëta nga 06ºC në 15°C dhe në zonat bregdetare nga 09°C në 17°C.

Era do të fryjë në drejtim Verior-Verilindor ndërsa forca e valëzimit në det do të jetë 3 ballë.