Të enjten në darkë, parlamenti grek miratoi mes shumë polemikash ligjin që lejon martesat mes personave të njëjtë gjini, duke bërë Greqinë vendin e 16-të në Bashkimin Europian që e pranon këtë praktikë.

Pas debateve intensive në parlamentin grek, ligji u miratua, duke kthyer Greqinë në shtetin e parë ortodoks në botë që e lejon këtë formë të martesës.

Në 2015, një projektligj i tillë u dërgua për miratim për herë të parë, por u përball me shumë kundërshtime dhe protesta në Athinë, duke mos u miratuar. Megjithatë, në darkën e të enjtes, me 175 vota pro, 76 kundër dhe 46 kundër, parlamenti grek e kaloi ligjin.

Miratimi i këtij ligji bën që Greqia të jetë vendi i 16-të në BE dhe vendi i 37-të në botë që e legalizon martesën e të njëjtit gjini. Kjo veprimtari shënon një hap të rëndësishëm për të drejtat e njeriut dhe të komunitetit LGBT+ në Greqi.

Pas votimit, kryeministri grek, Mitsotakis, shprehu kënaqësinë e tij, duke e vlerësuar votimin si një pikë referimi për të drejtat e njeriut dhe duke e përshkruar Greqinë si një vend përparimtar, demokratik dhe i përkushtuar ndaj vlerave evropiane.

“Sot Greqia bëhet vendi i 16-të i BE-së që ligjëron barazinë martesore. Jemi krenarë që e votuam pasi është një pikë referimi për të drejtat e njeriut dhe pasqyron Greqinë e sotme: një vend përparimtar, demokratik, i përkushtuar ndaj vlerave evropiane”- tha Mitsotakis.