Parlamenti ka miratuar një ligj të rëndësishëm për njohjen e viteve të punës në ish-kooperativa bujqësore dhe ish-ndërmarrje shtetërore, pa kërkesa për dokumentacion shtesë apo kosto për qytetarët.

Nga këto ndryshime ligjore përfitojnë mbi 30 mijë qytetarë, të cilëve do t’u njihet periudha e punësimit, duke mundësuar përfitimin e pensionit, të paktën në nivelin e pensionit social.

Kush përfiton nga ligji?

•Punonjësit e institucioneve dhe ndërmarrjeve shtetërore deri më 1 tetor 1994
•Punonjësit e ish-ndërmarrjeve bujqësore deri më 17 tetor 1992
•Punonjësit e ish-kooperativave bujqësore deri më 19 korrik 1991

Kushtet kryesore për përfitim

•Gjatë periudhës së deklaruar, përfituesi duhet të ketë pasur vendbanim në fshat, ku ushtronte aktivitetin ndërmarrja apo kooperativa.
•Nuk duhet të ketë qenë duke vuajtur dënim me heqje lirie gjatë asaj kohe.

Ky ligj synon korrigjimin e padrejtësive sociale, duke njohur kontributin e mijëra qytetarëve, të cilët për shkak të mungesës së dokumenteve kishin mbetur jashtë skemës së pensioneve.