Eliminimi i Benitës në gjysmëfinalen e “Big Brother VIP Kosova 4” ka sjellë reagime të forta nga ish-banorja, e cila ka hedhur akuza ndaj produksionit dhe producentes Olsa Muhameti për manipulim të votave.

Në disa “story” në rrjetet sociale, të cilat më pas janë fshirë, Benita pretendoi se votat e publikut janë manipuluar dhe se ajo duhej të kishte qenë në finale. Ajo madje la të kuptohej se fituesi i këtij edicioni është i paracaktuar nga produksioni.

Nga ana tjetër, Olsa Muhameti nuk ka reaguar drejtpërdrejt ndaj akuzave. Megjithatë, ajo ka ripostuar një “story” të Dolces, një tjetër ish-banore e eliminuar në gjysmëfinale, e cila falënderonte produksionin dhe producenten për “përvojën unike” dhe publikun për mbështetjen.

Në ripostimin e saj, Olsa shkroi: “Dolce, faleminderit për mirënjohjen. Lum kush e ka këtë vlerë.”

Ky veprim është interpretuar nga ndjekësit si një përgjigje indirekte ndaj deklaratave të Benitës, duke shtuar edhe më shumë debat rreth mënyrës së eliminimeve në këtë edicion të spektaklit.