Të martën, banori i Big Brother VIP, Keijsi, u përjashtua nga gara për Çmimin e Madh pas përdorimit të përsëritur të gjuhës denigruese ndaj Kristit.

Stelina, ish-e dashura e tij, e vlerësoi vendimin dhe tha se largimi i tij jepte mundësinë banorëve të tjerë të shfaqnin vlerat e tyre: “Patjetër i merituar. Ishte dhe krenar. Patjetër që më bëhet qejfi. Këtu ka shumë njerëz me vlera që nuk po i përcjellin dot vlerat e tyre, sepse Keijsi bërtiste me gishta në vesh dhe nuk i linte të tjerët që t’i tregonin”, deklaroi Stelina.

Nga ana tjetër, Ina theksoi se për hir të historisë personale mes Stelina dhe Keijsit, nuk duhej komentuar në këtë mënyrë: “Para dy javësh ia dije vlerat Keijsit. Ai është një njeri që ka lënë gjurmë në jetën tënde. Të paktën, për hir të asaj që keni kaluar së bashku, nuk duhet ta thoje”.

Vendimi i produksionit ka shkaktuar debate mes banorëve dhe në rrjetet sociale, duke rikthyer fokusin tek respekti dhe etika brenda shtëpisë së Big Brother VIP.