Partia Demokratike ka nisur sot procesin e primareve për përzgjedhjen e kandidatëve për deputetë në zgjedhjet parlamentare të 11 majit. Votimi nisi në orën 08:00 dhe do të përfundojë në 18:00 në të gjitha qendrat e votimit.
Primaret në qarkun e Korçës
Në këtë qark, 19 kandidatë garojnë për të fituar mbështetjen e demokratëve. Procesi zhvillohet me parimin “një anëtar, një votë”, ndërsa votimi do të kryhet në të gjitha degët e PD-së në qark.
Lista e kandidatëve në Korçë:
1. Ledina Alolli
2. Lorenc Begaj
3. Genti Çela
4. Alfred Gega
5. Xhuljan Guçe
6. Kujtim Hoxha
7. Yllson Ibrahimllari
8. Kristiano Koçibelli
9. Sorina Koti
10. Fidel Kreka
11. Arbër Male
12. Andrea Mano
13. Bledion Nallbati
14. Albana Prifti
15. Brunilda Prifti
16. Eleina Qirici
17. Lulezim Rakipi
18. Edmond Spaho
19. Elsida Vila
Numri i anëtarëve me të drejtë vote në Korçë dhe rrethinat:
• Korçë: 2800 anëtarë
• Devoll: 1900 anëtarë
• Maliq: 1854 anëtarë
• Pogradec: 1200 anëtarë
• Kolonjë: 1000 anëtarë
Procesi i primareve në Fier
Në qarkun e Fierit, ku pritet të votojnë rreth 4000 anëtarë, procesi ka nisur normalisht. Disa nga degët e PD-së në Fier:
• PD Fier: 1200 anëtarë
• PD Mallakastër: 300 nga 1200 anëtarë
• PD Roskovec: 650 nga 700 anëtarë
• PD Patos: 550 nga 1200 anëtarë
I pari që hodhi votën në Fier ishte Gazment Bardhi, drejtuesi politik i PD-së për këtë qark.
Primaret në Vlorë
Në Qarkun e Vlorës, 13 kandidatë janë në garë. Procesi ka nisur qetësisht dhe pritet të votojnë 3000 anëtarë të PD-së. Drejtuesi politik Bujar Leskaj ka qenë prezent që në fillim të votimit dhe gjithashtu ka votuar.
Kush ka të drejtë vote?
Të drejtën për të votuar e kanë vetëm anëtarët e PD-së që janë regjistruar para vitit 2021 dhe zotërojnë kartën e anëtarësisë.
Procesi i primareve është një hap i rëndësishëm për PD-në në përzgjedhjen e kandidatëve më të mirë për të përfaqësuar partinë në zgjedhjet e 11 majit.
