Gjatë mbrëmjes së djeshme në “Big Brother VIP 5”, banorët ndanë historitë e tyre personale dhe të vështira, duke prekur jo vetëm njëri-tjetrin, por edhe publikun. Mes lotësh, Selin tregoi një përvojë të vështirë që lidhet me vëllain e saj, Ono, i cili kaloi një krizë epileptike në mënyrë të papritur dhe nuk dinin si ta ndihmonin.

“Si fillim dua ti kërkoj falje Onos nëse mërzitet që po e ndaj me ju këtë. Në shtëpinë tonë kishte ardhur një nga hallat dhe unë isha në dhomën time me një nga kushërirat. Dëgjoj shumë ulërima dhe atë natë luante Shqipëria, nuk e di me kë, një ndeshje shumë e rëndësishme. Mendova se ka bërë gol dhe ishin brohorima gëzimi. Kur dal nga dhoma shikoj që Ono po kalonte një krizë epileptike dhe ne ishim vetëm, mami u tremb shumë dhe askush nuk dinte ta ndihmonte se nuk e kishim përjetuar kurrë, nuk e dinim ça bëhej në këtë rast,” tregoi Selin.

Ajo shtoi se netëve të mëvonshme kishte vështirësi të flinte, pasi krizat ndodhnin natën dhe ajo donte të ishte e gatshme për të reaguar sa më shpejt. “Ulesha në këtë pozicion dhe lutesha në mënyrën time për të gjetur një zgjidhje, një shpëtim. Ono vetëm i përsëritej kjo,” tha ajo.

Gjyshërit e saj në Amerikë u përfshinë për të marrë Onon për ndihmë mjekësore dhe për ta mbajtur situatën nën kontroll. Selin përfundoi rrëfimin duke theksuar dhimbjen e saj për mungesën e vëllait në shtëpi për dy vite: “Aty kam patur një tjetër thyerje shumë të madhe se nuk isha mësuar të jetoja pa prezencën e tij në shtëpi. Për dy vite Ono nuk ka qenë në shtëpi, ka jetuar në Amerikë.”