Një automjet është përfshirë nga flakët mbrëmjen e djeshme. Ngjarja ka ndodhur në Krujë, ku mjeti Volkswagen në pronësi të shtetasit më iniciale S.H ka marrë flakë në parkim.
Drejtoria Vendore e Policisë Durrës tha zyrtarisht se janë shoqëruar 6 persona për ngjarjen. Mësohet se makina është në pronësi të shtetasit Sahit Hysa, i cili mbrëmjen e kaluar kishte shkuar për darkë tek motra e tij. Makina ndodhej e parkuar në oborrin e banesës së motrës, kur persona të paidentifikuar kanë hyrë dhe i kanë vënë flakën.
Ndërkohë mësohet se Hysa është vëllai i Elion Hysës nga fshati Gjorm, i cili u gjend i vrarë dhe i groposur në Nikël më 14 korrik 2018, teksa pas vrasjes së tij qëndron një tjetër vrasje e ndodhur në vitin 2015 në Sarandë.
Policia dyshon se ngjarja është e qëllimshme dhe për këtë arsye janë sekuestruar dhe pamjet e kamerave të sigurisë.
Njoftimi i policisë
Më datë 09.05.2021, në orën 22:30, në Krujë ka marrë flakë në parkim mjeti tip “Volkswagen”, në pronësi të shtetasit S. H.
Grupi hetimor po punon për zbardhjen e ngjarjes ku ka shoqëruar në ambientet e Komisariatit 6 persona, janë sekuestruar pamje filmike si dhe janë kryer disa kontrolle banesash.
Materialet i kaluan Prokuorisë së Rrethit Gjyqësor Krujë.
