Një pallat 12-katësh është përfshirë nga flakët mëngjesin e sotëm. Ngjarja ka ndodhur pranë zonës së njohur si “Farmacia 10” në Tiranë, ndërsa për fat të mirë nuk raportohet për të lënduar.

Ngjarja ka ndodhur pranë konvikteve të Fakultetit të Mjekësisë, ndërsa bëhet me dije se si pasojë e zjarrit janë shkaktuar vetëm dëme materiale.

Po ashtu bëhet e ditur se pallati është në ndërtim, ndaj nuk ka rrezik për djegien e banesave.

Forcat zjarrfikëse dhe policia kanë mbërritur në vendngjarje dhe po punohet për të neutralizuar flakët. Nuk ka ende informacion për arsyet e rënies së zjarrit.

Tiranë/Informacion paraprak

Rreth orës 08:30, tek “Medreseja” ka rënë zjarr në katin e fundit të një pallati në ndërtim ku ka vetëm dëme materiale.

Sherbimet e zjarrfikses ndodhen në vendngjarje dhe po punojnë për fikjen e zjarrit.

Grupi hetimor po punon për sqarimin e rrethanave të ngjarjes.