Deputetët e Partisë Demokratike, Saimir Korreshi dhe Bledion Nallbati kanë komentuar vendimin e Kuvendit për përjashtimin me 10 ditë të kolegëve të tyre Edi Paloka dhe Bujar Leskaj pasi u përfshinë në një debat me kryeministrin Rama në seancë plenare.
Sipas tyre, vendimi për dy deputetët ishte marrë që të enjten dhe se ishte i urdhëruar nga kryeministri.
“Vendimi ishte bërë gati që dje. Në mënyrë më të shëmtuar erdhi më parë vendimi sesa kërkesa. Më herët Alibeaj kishte kërkuar përjashtimin e Ramës për gjuhën fyese që bëri ndaj opozitës. Ne kërkuam kush ishin fjalët fyese që u bënë, por nuk na u thanë.
Kërkuam të thirrej Rama, se mbase ai nuk ishte ofenduar dhe donim ta dëgjonim. Kërkuam thërritjen e deputetëve që kishin bërë kërkesën, por nuk u mor në konsideratë. Kërkesa thoshte që “ndoshta nën efektin e pijeve alkoolike”.
Unë nuk di që kolegët mbajnë ndonjë aparat drager. Ne kërkuam që edhe Ramës ti bëhet testi i kokainës, nuk morëm në konsideratë. Sot në mënyrë abuzive cdo gjë këtu vendoset dhe paravendoset. Të gjithë e panë hapur që Rama kërkoi që ata të përjashtoheshin. Ne i thamë fjalët fyese që Rama përsëriti: “Plënc, plehrë, si ajo miza në mendere…”. Jemi në vazhdën e asaj vendimmarrje që me forcën e kartonit jemi si në diktaturë. Ne gjykojmë që edhe kryeministri ka qenën nën efektin e kokainës”, u shpreh Korreshi.
Bledion Nallbati: U pretendua që janë përdorur fjalë që shkelin etikën parlamentare. Shqiptarët e kanë parë dy ditë më parë që Rama në vend që të shpjegonte buxhetin, ai erdhi që në mëngjes duke sharë dhe ofenduar jo vetëm deputetët e opozitës, por edhe shqiptarët.
Ky komision është ngritur në bazë të këtij urdhri, kur Rama urdhëroi kryetaren e parlamentit: Urgjentisht mi përjashto këta nga salla. Problemi është që nje ky popull trajtohen në këtë mënyrë. Nëse Rama ka vullnetin i dëgjon, nëse ska i flak përjashta. I keni parë edhe në takimet e veta.
Ajo që është shqetësuese është kjo për mënyrën si po trajtohet popullit shqiptar. Ne nuk mund të kthehemi në skllevër. Shqiptarët nuk janë skllevër dhe ne i ftojmë që të ngrënë zërin jo për ne, por për veten.
