Zakoni i mëngjesit, për të pirë kafe me stomakun bosh, mund të ketë efekte të shumëfishta të padëshiruara në shëndetin tuaj.Olivia Hedland, terapiste ushqyese funksionale, për British Metro tha se kafeina mund të shkaktojë probleme me zorrët, por edhe me hormonet. Sipas saj, kafeja është acidike, e cila nëse pihet me stomakun bosh, mund të bëjë që trupi juaj të kalojë në një gjendje stresi të lartë.

Përpara filxhanit të parë të kafesë, ajo sugjeron të hani vezë, qumësht të papërpunuar, manaferra ose disa fruta të ziera, duke përfshirë mollët, dardhat ose manaferrat. Të gjitha këto mund të zvogëlojnë efektet në stomakun tuaj.

“Nëse fillimisht pini kafe me stomakun bosh, duhet të mendoni se çfarë i bën ajo shëndetit tuaj, kryesisht hormoneve. Kafeja bën që trupat tanë të kalojnë në një përgjigje stresi, të çlirojnë kortizolin dhe të na vendosin në një lloj lufte apo gjendjeje ikjeje”, shpjegoi ajo.

Kjo është ajo që shkakton nervozizëm pas kafesë. Çuditërisht, tha ajo, ekziston gjithashtu një lidhje me aknet, veçanërisht nëse keni çekuilibër hormonal ose probleme me zorrët.

“Kam pirë shumë filxhanë kafe me stomakun bosh dhe më pas vura re se kisha puçrra hormonale dhe nuk e dija se çfarë po e shkaktonte atë”, tha Hedland.“Hani diçka para kafesë, bëjeni atë qëllimin tuaj. Do të vini re një ndryshim të madh”, shtoi ajo, kështu që vetëm një gjë e thjeshtë mund të mbrojë shëndetin tuaj.