Një ngjarje e papritur dhe shqetësuese ka ndodhur së fundmi në qytetin e Vlorës, ku disa vajza janë filmuar duke u përleshur fizikisht mes tyre në mes të një rruge të frekuentuar. Pamjet e kësaj ngjarje janë dërguar në redaksinë e JOQ Albania nga një qytetar i shqetësuar, i cili denoncon dhunën mes të rinjve në vend.

Në videon e filmuar, dy vajza fillojnë një sherr mes tyre, dhe shumë shpejt përleshja përfshin edhe vajza të tjera, duke çuar situatën në një shkallë të papranueshme dhune. Ndërkohë që një djalë përpiqet të ndërhyjë për të ndaluar përleshjen, ai duket të heq dorë nga përpjekjet, pasi gjendja i del jashtë kontrollit.

Vetëm pas ndërhyrjes së një shoferi të rastësishëm, i cili ndalon makinën dhe i ndan vajzat, situata vihet në kontroll dhe shpëton nga përshkallëzimi më tej. Ajo që e bën këtë ngjarje edhe më alarmante është fakti që vajzat kanë ndaluar makinën në mes të rrugës për të zhvilluar përleshjen, duke rrezikuar jetën e tyre dhe sigurinë e pjesëmarrësve të tjerë në trafik.

Një qytetar, i cili ka dërguar pamjet në redaksi, ka shpërndarë një mesazh të fuqishëm: “Ky brez i degjeneruar që po degjeneron komplet”. Ky incident është vetëm një ndër dhjetëra raste të tjera që tregojnë rritjen alarmante të dhunës mes të rinjve në Shqipëri, një fenomen që po merr përmasa shqetësuese dhe ngre pikëpyetje mbi edukimin, ndikimin e rrjeteve sociale dhe mungesën e komunikimit paqësor mes të rinjve.

https://www.instagram.com/reel/DG1JeohOeOZ/?igsh=MThucXc1cmc1OGV2aA==