Gjashtë persona janë arrestuar nga policia e Athinës pas një përplasje që ndodhi në rrugën Lenorman të kryeqytetit grek. Incidenti ka përfshirë dy banda, ku anëtarët e tyre janë përplasur dhe kanë përdorur sende të forta, duke përfshirë edhe armë zjarri.

Të arrestuarit janë në moshat 66, 64, 57, 50, 37 dhe 21 vjeç. Ngjarja ka ndodhur kur dy prej të pandehurve, që udhëtonin me automjet në rrugën Lenorman, janë përplasur me një grup prej rreth 20 personash. Pas një debate, njëri prej tyre ka nxjerrë armën dhe ka drejtuar drejt drejtuesit të mjetit.

Në vendngjarje, policia ka gjetur dy gëzhoja. Automjeti i përfshirë është lokalizuar dhe është gjetur i parkuar pranë një magazine në Eleonas, ku ndodheshin 6 të arrestuar. Në kontrollin e kësaj zone, janë gjetur dhe konfiskuar një karikator, 3 shkopa bejsbolli dhe një shumë prej 3933 euro.

Hetimet vazhdojnë për identifikimin e pjesës tjetër të përfshirë në ngjarje.