Një situatë e tensionuar dhe e pakëndshme është regjistruar në episodin e sotëm të programit të dashurisë “Përputhen”, ku dy nga konkurrentët, Ibrahimi dhe Josipi, janë përfshirë në një konflikt të ashpër që ka degraduar deri në dhunë fizike.

Ngjarja nisi pas një komenti provokues nga njëri prej djemve, i cili i është drejtuar tjetrit me shprehjen “të dogji”. Komenti nuk u prit mirë dhe shkaktoi reagim të menjëhershëm, duke bërë që njëri nga konkurrentët të ngrihej nga vendi, çka solli përplasjen direkte mes tyre në studio.

Situata doli jashtë kontrollit për disa momente, ndërsa produksioni dhe pjesëtarë të tjerë të stafit u detyruan të ndërhyjnë për të shmangur përshkallëzimin e mëtejshëm të konfliktit.

Gjatë debatit, një nga konkurrentet vajza dëgjohet duke akuzuar njërin prej djemve se ishte nën efektin e alkoolit. “Është tap, nuk aktron, ka pirë alkool”, është shprehur ajo, duke shtuar edhe më shumë tensionin në studio.

Ngjarja ka shkaktuar reagime të shumta edhe në rrjetet sociale, ku publiku ka ndarë mendime të ndara mbi sjelljen e konkurrentëve dhe menaxhimin e situatës nga ana e produksionit. Ende nuk dihet nëse do të ketë masa disiplinore ndaj personave të përfshirë.