Tensione të reja janë regjistruar në shtëpinë e Big Brother VIP Albania 5, ku Brikena Selmani dhe Edisa Demollari janë përfshirë sërish në një debat të ashpër.

Gjatë një diskutimi mes banorëve, Edisa i përmendi modeles një episod nga një paraqitje e saj televizive, duke e akuzuar se kishte hequr bluzën gjatë një emisioni për të tërhequr vëmendje.

“Ke hequr bluzën në mes të emisionit vetëm për me ndez”, iu drejtua ajo Brikenës.

Modelja reagoi menjëherë, duke sqaruar se në atë moment kishte veshur një bluzë të kuqe dhe se paraqitja e saj kishte qenë në përputhje me imazhin e saj në atë emision.

“Unë kam qenë me bluzë të kuqe dhe aty kam pasur imazhin top. Çfarë problemi ke me mua?”, iu kundërpërgjigj Selmani.

Debati lidhet me një moment nga spektakli Supernova, ku Brikena kishte qenë e ftuar disa muaj më parë, një program i moderuar nga Sara Kolami.

Që nga hyrja e saj në shtëpinë e Big Brother VIP, Edisa Demollari ka hedhur disa akuza dhe kritika ndaj Brikena Selmanit, duke krijuar një nga përplasjet më të fore mes banoreve të këtij edicioni.