Një shpërthim me lëndë plasëse është regjistruar në orët e para të mëngjesit të sotëm në rrugën “Vasil Ndocka” në Tiranë. Automjeti i prekur është në pronësi të shtetasit Oltjon Klosi, 36 vjeç.

Sipas policisë, nga shpërthimi nuk ka persona të lënduar, por janë shkaktuar dëme materiale në automjet.

Grupi hetimor po punon për sqarimin e plotë të rrethanave dhe identifikimin e autorëve të ngjarjes.

Policia apelon për çdo informacion që mund të ndihmojë në zbardhjen e këtij rasti.