Tensionet janë rritur ndjeshëm te sheshi “Wilson”, ku qytetarët janë përplasur fizikisht me forcat e policisë, duke u shtyrë për rreth 20 metra larg. Protestuesit kanë shprehur zemërimin e tyre duke i cilësuar policët si “horra” dhe duke akuzuar ata për dhunë dhe mbështetje të qeverisë.

Një protestues u shpreh me ironi: “Këto janë plehra, nuk e thonë se çfarë urdhri kanë. Nuk e di se çfarë ruajnë aty, ato pemët.”

Deputeti i opozitës, Petrit Vasili, deklaroi se është goditur nga policia gjatë përplasjes. Ndërkohë, kreu i Grupit Parlamentar të PD-së, Gazment Bardhi, akuzoi forcat policore duke thënë: “Policët janë vënë në shërbim të qeverisë dhe bandave.”

Tensionet mes dy palëve mbeten të larta, ndërsa protesta vazhdon me kërkesa të ashpra nga opozita dhe qytetarët e mbledhur.