Pritja e gjatë e besimtarëve myslimanë për përfundimin e Xhamisë së Namazgjasë mori fund sot, me përurimin e këtij tempulli madhështor nga Kryeministri Edi Rama dhe Presidenti i Turqisë, Recep Tayyip Erdogan. Xhamia, e ndërtuar mbi 10,000 metra katrorë, me kapacitet për të pritur 10,000 besimtarë, u hap sot për të gjithë myslimanët, dhe kryemyftiu i Tiranës, Bilal Teqja, u caktua si kujdestari i saj.

Kryeministri Rama shprehu mirënjohje të thellë ndaj Presidentit Erdogan dhe popullit turk për ndihmën e tyre në ndërtimin e xhamisë, duke e cilësuar këtë projekt si një nyjë të rëndësishme në lidhjen e pazgjidhshme mes dy vendeve. Në fjalën e tij, Rama theksoi rëndësinë e kësaj xhamie si një simbol të unitetit dhe përkushtimit të myslimanëve shqiptarë, duke uruar kryemyftiun Teqja për përgjegjësinë e tij të re.

“Faleminderit dhe mirënjohje president i Turqisë, miku im. Ky është një tempull që përfaqëson lidhjet tona të ngushta dhe përkushtimin tuaj vëllazëror. Xhamia e Namazgjasë do të flasë për lidhjen e pazgjidhshme mes popullit shqiptar dhe atij turk,” tha Rama.

Presidenti Erdogan, nga ana tjetër, e përshkroi Xhaminë e Namazgjasë si një simbol të miqësisë, vëllazërisë dhe solidaritetit mes Shqipërisë dhe Turqisë. Ai theksoi se ky objekt nuk është thjesht një vend adhurimi, por një kompleks multifunksional, i pajisur me salla konferencash, bibliotekë dhe dhoma studimi, si dhe ashensorë për personat me aftësi të kufizuara. Erdogan e cilësoi xhaminë si një dhuratë nga populli turk për motrat dhe vëllezërit myslimanë në Shqipëri, duke theksuar mbështetjen e Entit të Çështjeve Fetare dhe Fondacionit Fetar të Turqisë, Diyanet.

Xhamia e Namazgjasë, më e madhja në Ballkan, është e ndërtuar për të pasqyruar trashëgiminë kulturore të Shqipërisë, nën moton e “muzeut të bashkëjetesës së kulturave ballkanike”, një