Pesë persona janë ndaluar në Kosovë për veprën penale ‘cenim i përcaktimit të lirë të votuesve’, njoftoi Prokurori i Shtetit. Prokuroria Themelore në Mitrovicë ka iniciuar dy raste të ndara lidhur me këtë vepër penale pas pranimit të informacioneve nga qytetarët për shkelje zgjedhore.

Prokurori i Shtetit deklaroi se janë angazhuar afër 100 prokurorë dhe staf i sistemit prokurorial për të siguruar që çdo parregullsi zgjedhore të procedohet në kohë. Prokurorët do të qëndrojnë në zyrat e tyre në qytetet me prokurori, ndërsa në vendet ku Prokuroria nuk ka objekt, ata do të qëndrojnë në stacione policore dhe do të bashkëpunojnë me hetuesit e Policisë së Kosovës për mbrojtjen e votës së lirë të qytetarëve.

Prokuroria i bëri thirrje qytetarëve, partive dhe institucioneve të tjera që të denoncojnë çdo dyshim për keqpërdorim të votave. Po ashtu, Policia e Kosovës njoftoi se është duke zbatuar planin e saj për mbrojtjen e zgjedhjeve, në koordinim të ngushtë me Prokurorinë.