Në vijim të informacionit të dhënë dje për një plagosje me thikë në shkollën e mesme “Mustafa Hoxha” në Cakran, ku mbeti i plagosur shtetasi i mitur 17-vjeçar, H. Xh., informojmë se Specialistët për Hetimin e Krimeve të Rënda të DVP Fier, nën drejtimin e Prokurorisë së Rrethit Gjyqësor Fier, arrestuan autorin e dyshuar, gjithashtu një 17-vjeçar, B. D., për veprën penale “Vrasje me dashje” e mbetur në tentativë.
Konflikti mes dy shtetasve të mitur ka filluar kur shtetasi H. Xh. pretendoi se autori, B. D., kishte shpërndarë fotografi të tij në rrjetet sociale, që shkaktoi tensionin mes tyre. Shtetasi H. Xh. ndodhet aktualisht në spital, jashtë rrezikut për jetën, pasi ka marrë ndihmën mjekësore të nevojshme.
Mjeti prerës, thika, u sekuestrua në cilësinë e provës materiale dhe materialet procedurale u kaluan Prokurorisë për veprime të mëtejshme.
