Një ngjarje e rëndë ka tronditur paraditen e sotme zonën e Alliasit në Tiranë, ku një konflikt i çastit për motive të dobëta ka përfunduar me plagosjen me armë zjarri të një 31-vjeçari. Viktima, Sandrino Baci, është plagosur në këmbë nga 38-vjeçari Korado Teodori, i cili pas ngjarjes është shpallur në kërkim nga policia.

Burime nga vendi i ngjarjes bëjnë me dije se i plagosuri ndodhet në spital, jashtë rrezikut për jetën, ndërsa forcat e rendit vijojnë kontrollet intensive në zonë për kapjen e autorit.

Policia ka siguruar pamjet e para nga vendi i ngjarjes dhe po vijon hetimet për të sqaruar plotësisht rrethanat e ngjarjes.

Njoftimi zyrtar i Policisë së Tiranës:

Më datë 08.06.2025, rreth orës 07:50, në zonën e Alliasit, gjatë një konflikti për motive të dobëta, shtetasi K. T., rreth 38 vjeç, ka plagosur me armë zjarri në këmbë shtetasin S. B., rreth 31 vjeç, i cili është komshi me autorin.

Aktualisht, i plagosuri ndodhet në spital jashtë rrezikut për jetën.

Shërbimet e Policisë kanë shkuar menjëherë në vendngjarje dhe po vijojnë kontrollet në zonë për kapjen e autorit.

Grupi hetimor ndodhet në vendngjarje dhe po punon për zbardhjen e plotë të ngjarjes.

Ngjarje të tilla theksojnë nevojën për vëmendje dhe ndërhyrje të shpejtë nga strukturat e rendit për të parandaluar përshkallëzime të ngjashme në komunitet.