30-vjeçari me inicialet F.U dhe 22-vjeçari me inicialet B.V janë vënë në pranga, sikurse është proceduar në gjendje të lirë, 34-vjeçari me inicialet D.G, pasi të tre së bashku, kanë dhunuar me grushte gjatë udhëtimit me tragetin e linjës Bari-Durrës, 28-vjeçarin me inicialet G.F.

Njoftimi i Policisë: DVP Durrës/

Specialistët për Hetimin e Krimeve ndaj Personit dhe Pasurisë të DVP Durrës arrestuan në flagrancë shtetasit F. U., 30 vjeç dhe B. V., 22 vjeç, të dy banues në Laç, si dhe nisi procedimi në gjendje të lirë për shtetasin D. G., 34 vjeç, banues në Kamëz, Tiranë, pasi në bashkëpunim me njëri-tjetrin, gjatë kohës që kanë qenë duke udhëtuar me tragetin e linjës Bari-Durrës, janë konfliktuar dhe kanë goditur me grushte shtetasin G. F., 28 vjeç, banues në Vlorë, i cili ndodhet jashtë rrezikut për jetën.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.