Policia e Vaut të Dejës ka nisur një operacion për kapjen e dy personave, të cilët janë shpallur në kërkim për dhunimin e një 24-vjeçari. Ngjarja ka ndodhur ditën e djeshme dhe ka origjinën nga një konflikt për motive të dobëta. Sipas njoftimit nga policia, në kërkim janë shpallur një 64-vjeçar dhe një 29-vjeçar, të cilët dyshohet se kanë goditur viktimën me sende të forta.

Materialet procedurale janë dërguar në Prokurorinë pranë Gjykatës së Shkallës së Parë të Juridiksionit të Përgjithshëm Shkodër për veprime të mëtejshme. Policia e Vaut të Dejës po punon intensivisht për kapjen e dy personave të shpallur në kërkim.

“
Komisariati i Policisë Vau i Dejës referoi materiale në Prokurori dhe po punon për kapjen e shtetasve 64 vjeç dhe 29 vjeç, pasi dyshohet se më datë 08.08.2024, për motive të dobëta, kanë goditur me sende të forta një 24-vjeçar. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme,

” thuhet në njoftimin e policisë.