Policia greke ka arritur të zbardhë dy raste të vendosjes së eksplozivit në Athinë dhe ka identifikuar autorët, të cilët dyshohet se janë pjesë e grupeve kriminale të gjobvënies.

Në ngjarjen e parë, eksplozivi është vendosur pranë një karburani në Pire në orët e para të mëngjesit të 8 marsit të këtij viti. Autorët identifikuar janë shtetasit Geni Çato nga Përmeti dhe një shtetas shqiptar me emra të ndryshëm dhe mbiemra të shumtë.

Ndërkaq, ngjarja e dytë ka ndodhur më 12 mars në një kantinë verore në Kalithea. Kristo Xhixho nga Durrësi dhe greku Antonis Karapasias janë arrestuar për këtë veprim.

Kristo Xhixho është identifikuar si personi që ka marrë me qira automjetin përdorur gjatë ngjarjes, ndërsa Karapasias është akuzuar për vendosjen e eksplozivit. Shtetasi shqiptar Aristotel Stefanidhi nga Këlcyra gjithashtu është arrestuar dhe dyshohet se ka qenë pjesë e aktiviteteve të Kristo Xhixhos.