Kontrolle të shtuara të policisë në rrugët e vendit. Këtë mbrëmje janë konstatuar kontrolle të policisë në aksin Elbasan-Pogradec. Po ashtu, sipas informacioneve të marra kontrolle po kryhen edhe në Vlorë, Sarandë etj.

Policia ka ndërmarrë së fundi masa të shtuara në kuadër të sezonit turistik dhe fundjavës e cila ka sjellë me mijëra mjete në jug-lindje të vendit.

Sipas të dhënave nga policia kontrollet e automjeteve kryhen për persona në kërkim, armëmbajtje pa leje apo edhe për lëndë narkotike.

Kryesisht fokusi makinat e shtrenjta dhe me xhama të errësuar.

Këto janë kontrolle para fundjavës në mënyrë që të sigurojmë rendin dhe mbarëvajtjen e sezonit thanë burimet pranë komisariatit të Pogradecit.