Një person ka mbetur i plagosur nga përfshirja me armë zjarri në mbrëmje e ndjeshme rreth orës 23:48 në veri të Mitrovicës.

Policia e Kosovës ka bërë të ditur se është duke hetuar rrethanat e plagosjes dhe pistat rreth saj, ndërkohë që raporton se i plagosuri aktualisht ndodhet në Spitalin e Veriut duke marrë trajtim mjekësor.

Policia shprehet gjithashtu se një njësitë policor ndodhet në Spitalin e qytetit dhe po kryen hetime intensive.

“Nga aty kan pranuar informacione se gjendet duke u trajtuar një person, i cili dyshohet se është plagosur në krahror nga arma e zjarrit, por që deri më tani ende nuk dihen rrethanat dhe shkaqet e plagosjes së tij. Policia e Kosovës, është duke kryer hetime intensive, me qëllim të zbardhjes sa më parë të këtij rasti.”, ka njoftuar policia.

Nërkohë që mediat serbe raportojnë se ky institucion është përfshirë në gjuajtje me armë zjarri, policia e kosovës i ka përgënjeshtruar këto akuza.

“Andaj, bazuar në informacionet zyrtare, vërtetohet se Policia e Kosovës nuk është përfshir në asnjë rast të gjuajtjes me armë zjarri, dhe mbetet e përkushtuar në hetimin dhe ndriçimin sa më parë të rastit të personit të plagosur i cili gjendet duke u trajtuar në qendren spitalore në Mitrovicë Veriore, ku sipas mjekëve është jasht rrezikut për jetë.”, njofton policia.