Tiranë – Policia Rrugore ka ndaluar Mariglen Abedinin, 41 vjeç, një shtetas i shpallur në kërkim, pasi ka rezultuar i dënuar me 5 vite burgim nga Gjykata e Apelit për prodhim dhe shitje narkotikësh.
Abedini u ndalua nga Policia Rrugore në Tiranë teksa udhëtonte me automjetin tip “Volkswagen”. Pas verifikimeve, u konstatua se ai ishte aktualisht në kërkim dhe i dënuar për veprën penale të narkotikëve. Specialistët për Hetimin e Narkotikëve në Drejtorinë Vendore të Policisë Tiranë e vunë në pranga 41-vjeçarin me qëllim ekzekutimin e vendimit të gjykatës.
Materialet procedurale iu referuan Prokurorisë së Tiranës për veprime të mëtejshme.
