Tirana – Me propozim të Kryeministrit, Presidenti i Republikës, Sh.T.Z. Bajram Begaj, ka firmosur sot dekretin për lirimin nga detyra të Ambasadorit të Jashtëzakonshëm dhe Fuqiplotë të Republikës së Shqipërisë në NATO, zotit Ilir Gjoni.
Në dekret thuhet shprehimisht: “Zoti Ilir Gjoni lirohet nga detyra e Ambasadorit të Jashtëzakonshëm dhe Fuqiplotë të Republikës së Shqipërisë në NATO, rezident.”
Ky vendim vjen pas një periudhe shërbimi diplomatik të zotit Gjoni dhe do të shënojë një ndryshim në përfaqësimin e Shqipërisë pranë aleancës veriatlantike. Ende nuk janë bërë me dije emrat e mundshëm që do të zëvendësojnë Gjonin në këtë post strategjik.
